girniy.ru 1


«Ақылы автомобиль жолдарын және көпiр өткелдерiн пайдалану қағидалары мен шарттарын бекiту туралы» Қазақстан Республикасы Үкіметінің 2007 жылғы 30 қаңтардағы № 71 қаулысына өзгерістер енгізу туралы


Қазақстан Республикасының Үкіметі ҚАУЛЫ ЕТЕДІ:

1. «Ақылы автомобиль жолдарын және көпiр өткелдерiн пайдалану қағидалары мен шарттарын бекiту туралы» Қазақстан Республикасы Үкіметінің 2007 жылғы 30 қаңтардағы № 71 қаулысына келесі өзгерістер енгізілсін:

көрсетілген қаулының тақырыбын мынадай редакцияда жазылсын:

«Ақылы автомобиль жолымен (учаскесімен) жүргені үшін ақы алу қағидаларын бекіту»;

1-тармақ мынадай редакцияда жазылсын:

«1. Қоса беріліп отырған Ақылы автомобиль жолымен (учаскесімен) жүргені үшін ақы алу қағидалары бекітілсін.»;

көрсетілген қаулымен бекітілген Ақылы автомобиль жолдарын және көпiр өткелдерiн пайдалану қағидаларын осы қаулыға қосымшаға сәйкес жаңа редакцияда жазылсын.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.


Қазақстан Республикасының

       Премьер-Министрі С. Ахметов


Қазақстан Республикасы Үкіметінің 2013 жылғы

« » №

қаулыға қосымша


Қазақстан Республикасы Үкіметінің 2007 жылғы
30 қаңтардағы № 427 қаулысымен бекітілген


Ақылы автомобиль жолдарын (учаскесімен) және көпір өткелдерін пайдалану қағидалары мен шарттары


1. Жалпы ережелер

1. Осы Ақылы автомобиль жолдарын (учаскесімен) және көпір өткелдерін пайдалану қағидалары мен шарттары (бұдан әрі – Қағидалар) «Автомобиль жолдары туралы» 2001 жылғы 17 шілдедегі Қазақстан Республикасының Заңына (бұдан әрі – Заң) сәйкес әзірленді және Автомобиль жолдарын басқару жөніндегі ұлттық оператор немесе концессионерлерге пайдалануға берілген Қазақстан Республикасының ақылы автомобиль жолдарын (учаскелерін) және көпір өткелдерін пайдалану тәртібі мен шарттарын айқындайды.


2. Осы Қағидаларда Заңда көзделген ұғымдар және мынадай ұғымдар пайдаланылады:

1) автомобиль жолдарын пайдаланушылар – жол қозғалысына қатысушылар болып табылатын немесе автомобиль жолдарына бөлінген белдеу мен жол бойындағы белдеу шегінде өзге де қызметті жүзеге асыратын жеке және заңды тұлғалар.

2) ақылы автомобиль жолдарын (учаскелерін) және көпір өткелдерін пайдалану – ақылы автомобиль жолдары (учаскелерін) және көпір өткелдері бойынша автокөлік құралдарының белгіленген жүктемелерімен, габариттерімен үздіксіз, қауіпсіз қозғалысын қамтамасыз ету жөніндегі іс-шараларды жүзеге асыру және пайдалану кезеңінде олардың көліктік-пайдалану жай-күйін ұстау;

3) Ақылы жүрудің ұйымдастырушы – Автомобиль жолдарын басқару жөніндегі Ұлттық оператор немесе концессионер;

4) көпір өткелі – көпірді, көпірге кіреберісті, реттеу және қорғау құрылыстарын қамтитын, су кедергілерін еңсеруге арналған инженерлік құрылыстар кешені;


2. Ақылы автомобиль жолдарын және көпір өткелдерін пайдалану
тәртібі мен шарттары


3. Ақылы автомобиль жолдарын (учаскелерін) және көпір өткелдерін пайдалану Қазақстан Республикасының заңнамасына сәйкес оларды жөндеу мен күтіп ұстау жөніндегі іс-шараларды Ақылы жүрудің ұйымдастырушының уақтылы қамтамасыз етуін көздейді..

4. Ақылы жүрудің ұйымдастырушы ақылы автомобиль жолдары (учаскелері) мен көпір өткелдерін тиісті пайдалану мақсатында:

1) Қазақстан Республикасының заңнамасына сәйкес автомобиль жолдарын пайдалану кезінде қауіпсіздік талаптарының сақталуын қамтамасыз етеді;

2) қысқы кезеңде ақылы автомобиль жолдарын (учаскелерін) және көпір өткелдерін қардан тазартуды қамтамасыз етеді және жамылғының тайғақтығына қарсы шаралар қабылдайды;

3) көлік құралдарының үздіксіз және қауіпсіз жүріп өтуін және табиғатты қорғау заңнамасы талаптарының сақталуын қамтамасыз етеді;

4) Қазақстан Республикасының заңнамалық актілеріне сәйкес автомобиль жолдарын пайдаланушыларға жол жағдайларының себептері бойынша туындаған жол-көлік оқиғалары келтірген зиянды өтеу жөніндегі шараларды қабылдайды;


5) Қазақстан Республикасының заңнамалық актілеріне сәйкес автомобиль жолдарына бөлінген белдеудің фитосанитариялық жай-күйін қамтамасыз етеді;

6) автомобиль жолдарының бойында қорғаныш екпелерін күтіп-ұстайды;

7) жол органдарымен келісім бойынша, жол полициясы бөлімшелерімен және төтенше жағдайлар жөніндегі уәкілетті органмен бірлесіп, шұғыл жағдайларда (қолайсыз ауа райы-климаттық жағдайлар, дүлей апаттар, өрт, автомобиль жолдарының көтеру қабілетінің жойылуы), сондай-ақ жөндеу-құрылыс жұмыстарын жүргізген кезде бұл жөнінде жергілікті атқарушы органдарды және автомобиль жолдарын пайдаланушыларды тиісті жол белгілерін қойып және бұқаралық ақпарат құралдары арқылы хабардар ете отырып, көлік құралдары қозғалысын шектейді немесе тоқтатады;

8) дүлей метеорологиялық құбылыстар мен табиғи және техногендік сипаттағы төтенше жағдайлардың салдарларын ,жояды;

9) жол полициясы бөлімшелерімен өзара іс-қимыл жасай отырып, жол-көлік оқиғаларының есебін жүргізеді, олардың туындауына ықпал ететін себептер мен жағдайларды талдайды, олардың алдын алу мен жою жөніндегі іс-шараларды әзірлейді;

10) «Қазақстан Республикасы Жол қозғалысының ережелерiн, Көлiк құралдарын пайдалануға жiберу жөніндегі негiзгi ережелер мен жол қозғалысының қауiпсiздiгiн қамтамасыз ету бойынша лауазымды адамдар мен жол қозғалысына қатысушылардың мiндеттерiн және Арнайы түстiк-графикалық схемалар бойынша арнайы түстiк және дыбыстық белгiлермен жабдықталуға және боялуға жататын жедел және арнайы қызметтердiң, көлiктiң тiзбесiн бекіту туралы» Қазақстан Республикасы Үкіметінің 2013 жылғы 30 сәуірдегі № 428 қаулысымен бекітілген жол қозғалысының ережелерi қозғалыс режимі шенберінде көлік құралдардың қауіпсіз жүруге мүмкіндік беруге қамтамасыз ету;

11) жол қозғалысына қатысушыларды құтқару, жол-көлік оқиғалары, авариялар, дүлей апаттар жағдайларында оларға дәрігерге дейінгі медициналық көмек көрсету бойынша шаралар қабылдайды;


12) жол полициясы бөлімшелеріне жол-көлік оқиғаларын тергеуге жәрдем көрсетеді, сондай-ақ егер жол-көлік оқиғасы ілеспе жол жағдайлары бойынша болса, қызметтік тексеру жүргізеді;

13) Қазақстан Республикасының заңнамасына сәйкес жедел-іздестіру қызметін жүзеге асыратын органдарға жәрдем көрсетеді;

14) жол қозғалысын ұйымдастырудың техникалық құралдарын (қоршаулар, жол белгілері, жолды белгілеу, бағыттайтын құрылғылар, жарықтандыру желілері, бағдаршамдар, қозғалысты автоматтандырылған басқару жүйелері) орнату мен жөндеуді қамтамасыз етеді;

15) қажетті ақпараттық-коммуникациялық желілерге қосу арқылы автокөлік құралдары қозғалысының мониторингі үшін өлшеу құрылғыларын, жабдықтарды орнатуды және бағдарламалық қамтуды қамтамасыз етеді;

16) Қазақстан Республикасының заңнамасына сәйкес ақылы автомобиль жолдары (учаскелерін) бойынша жүріп өткені үшін ақыны алуды қамтамасыз етеді.

5. Ақылы автомобиль жолдарын (учаскелерін) және көпір өткелдерін күтіп-ұстау бойынша жұмыстар тұрақты негізде жүзеге асырылады.

6. Автомобиль жолдары (учаскелерін) мен көпір өткелдерін күтіп-ұстау бойынша жұмыстарды уақтылы жүргізу мақсатында оларды визуалды тексеру күн сайын жүзеге асырылады.

7. Ақылы автомобиль жолдарының (учаскелерін) және көпір өткелдерінің пайдаланылуын бақылауды автомобиль жолдары жөніндегі уәкілетті мемлекеттік орган жүзеге асырады.

__________________________