girniy.ru 1
Шымкент қаласы, №37 жалпы орта мектебі. География пәні мұғалімі Алтаева Жансая Сеиткасымовна. 7-сынып.


Сабақтың тақырыбы: «Жер – Ана бізде қонақта».

Сабақтың мақсаты:Жер планетасы,материктер туралы сабақта алған білімін жинақтап,одан әрі таным деңгейін арттыру,әр материкті жете тануға қызығушылығын ояту.

Сабақтың міндеті:1)білімділігі:Отанымыздың орналасқан құрлығын білу.

2)дамытушылығы:Оқушы ой-өрісін дамыту.

3)тәрбиелілігі:Табиғатты аялап,сүйе білуге тәрбиелеу.

Сабақтың түрі:Ашық сабақ (сыныптан тыс)

Сабақтың көрнекілігі: интерактивті тақта,әр материктің өсімдіктер және жануарлар дүниесі салынған плакаттар,карталар,саяхатшылар суреттері.

Сабақтың барысы: Ұйымдастыру кезеңі: 2-3мин.

Жүргізуші-1:Саламатсыздар ма?Ұстаздар мен оқушылар!Сіздер бүгін «Жер – Ана бізде қонақта» атты ашық сабағымызға хош келіпсіздер!

Мын сан халқы ізіне ерген,

Келешекке берік сенген,

Қасиетті туған өлкем,

Кереметсің қандай көркем!

О,Жер-Ана қадіріңе жетейін,

Көрерменді сырға қанық етейін.

Жер-Ананы шақырып ап ортаға,

Сіздерге толық таныстырып өтейін – деп ортаға Жер-Ананы шақырайық.

Жүргізуші-2: О,Жер-Ана бізге жылдам келіңіз

Сізге әр кез дайын біздің төріміз.(Жер-Ана келеді)

Міне,Жер-Анамыз да көрінді

Саламатсыз ба Жер-Ана!


Жер-Ана: Амансың ба?қарағым!Амансыздар ма оқушылар!Құрметті ұстаздар!Мені бәрін де география пәнінен жақсы танисыңдар деп ойлаймын. Солай ма?Рахмет.Дей тұрғанмен де,сіздерге қонаққа келген соң,өзім жайлы айта кетейін:

Күн жүйесін 3-ші боп мекендедім,

Көлемім кең,үлкен жүк көтергенім.

Ізімнен ерген менің 6 ұлым бар,

Емессіңдер сендер де бөтендерім.

Және бар менің 240 немерем,

Немерелерім шетінен білгір,көреген.

Жан жағымдағы Плутон,Шолпан,Марстар,


Дейді маған «бақыттысың не деген!».

Өйткені менің басымдау еді пәрменім

Артықтығым 6 бала көргенім.

Солардан өрген өздерің аман тұрғанда

Әрқашан да тіршілігім бар менің!


Жүргізуші-1:

Қасиетті Жер-Ана жақұтпысыз?!

Біз барда шыныменен бақыттысыз.

Сіз аман кезде,біз бармыз дей аламыз,

Өйткені сіздей анадан жаралғанбыз.


Жүргізуші-2: Қымбатты Жер-Ана,жаңа бір сөзіңізде 6 балам бар деп едіңіз,неге ертіп келмедіңіз?

Сіз рұқсат етсеңіз,соларды ортаға шақырсақ деп тұрмыз.


Жер-Ана:Шақырыңыздар,айналайындар!Мен қарсы емеспін.


Жүргізуші-1: Ендеше,алдымен анамыздың үлкен баласы «Евразияны» шақырамыз.(Ортаға Евразия келеді)

Жүргізуші-2: Аманбысыз,Евразия бабамыз,

Біздер сіздің бір балаңыз боламыз.

Өзіңіздің 4-ші балаңыз –

Қазақстан – біздің туған анамыз.

Ұлы баба бізге рахым етсеңіз,

Өзіңіз жайлы аздап айтып кетсеңіз.


Евразия: Орасан зор материкпін,

Төрт мұхит,төрт қабырғам.

Алуан түрлі тірлігімен

Көп халық менен табылған.

Исландия – аралым бар,

Фенноскандия – орманым

Балқан таумен таралынған

Гималай,Альпі қорғаным.

Арабия – үлкен түбек,

Месопотамия – жазық

Орта Азия шөлді өлкені

Жылқы,түйе жүрер жайлап.

Тынық мұхит жағасында

Вулканым бар отты алып.

Ұлы Қытай жазығында

Ырзығын терген көп халық.

Архипелаг Малайзия

Тұрады 5 мың аралдан.

Күріш пенен шәй бұта

Бұл жерге тән таралған.


Жүргізуші-1: Шыныменен зор екенсіз,

Мақтануға тұратын.

Бірде көл,бірде шөл екенсіз,

Таулардан шеп құратын.



Жүргізуші-2:Сізге көп рахмет,Евразия!Біздерді көп сырға бөледіңіз.Енді осындай алып ұлы бар Жер-Анамызға арнап ән жолдаймыз.(ән орындалады)

Көп-көп рахмет!Келесі кезекте Африканы шақырайық.


Африка: Мен Африка!Қос мұхит арасында

Европадан 3 есе үлкен құрлықпын.

Түп атым «Евразия» тайпасында,

Белімді экватор кескен құрлықпын.

Маймыл,піл,жираф,зебра мекен еткен,

Какаодан жетістікке жеткен құрлықпын.


Жүргізуші -1: Бәрекелді қысқа да,нұсқа айттыңыз,

Сонда-дағы сездік біраз жайтты біз.


Жүргізуші-2: Сізге көп рахмет.Келесі кезекте Жер-Анамыздың 3-ші баласы Солтүстік Американы шақырамыз.


Солтүстік Америка: Өзім жайлы мен де айтып берейін,

Құнды-құнды мәліметтер терейін.

Ағаларым өздерің айтып мақтанды,

Байлығымды мен де мақтап көрейін.

Қалың тонды қойбұқам бар,

Қылқанды шырша орманым бар.

Бұлғын,құндыз,ондатра –

Ең бағалы аңдарым бар.

Ниагара алып құламадан

Энергия аламын.

Үлкен Антиль,Кіші Антиль

Багамдай бар аралым.

Гольфстрим ұлы ағысым,

Кордильер таулы тізбегім.

Иеллоустон – ұлттық паркке

Барудың жолын іздегін.

Гейзер суы көкке өрлеген,

Секвоялы жасыл орман.

Міне,осы барым менің,

Маған мәңгі мақтан болған.


Жүргізуші-1: Қараңыздаршы,бұл жерлерде де біраз қызықтар бар екен.Енді Оңтүстік Американы шақырамыз.(Ортаға Оңтүстік Америка келеді)


Жүргізуші-2: Амансыз ба,Оңтүстік Америка,біздерге хош келіпсіз!Өзіңіз жайлы айтып беріңізші.


Оңтүстік Америка: Шығысым менің кең жазық,

Анд тауы батыс жағында.

Амазонка ең сұлу өзен,

Биік таудан ағылған.


Өсімдігі – мимоза,

Кебрачо,кактустар.

Пума,ягуар жыртқыштар.

Жиырмадан астам елім бар,

Титикака көлім бар.


Жүргізуші-1: Көп рахмет.Сіз де мығым екенсіз,

Талай адам қызыққандай мекенсіз.


Жүргізуші-2: Келесі кезекте Антарктиданы ортаға шақырамық.(Антарктида келеді)

Хош келдіңіз,мұзды мекен,

Дейді көп жұрт сізді бекем.

Шыныменен сізді ойласам,

Менің өзім дір-дір етем.


Антарктида: Шыныменен мінезім сәл қаттылау,

Жақтарым да бар ғой бірақ жақсылау.

Мысалы менде ғалымдардың ғылыми

Станциялары жұмыс жасайды бақылау.

Жануарларым тюлень,теңіз мысығы,

Пингвиндердің көрдіңіз талай қызығың.


Жүргізуші-1: Көп рахмет.Келесі кезекте Жер-Анамыздың ең кенже баласы – «Австралияны» шақырамыз.(Ортаға Австралия келеді)

Хош келдіңіз,кенжесі ананың,

Сіз жайында білгіміз келіп барады.

Біздің кеште қонақ болып қайтыңыз,

Бірақ сіз де өзіңіз жайлы айтыңыз.


Австралия: Айтар болсам өзімді,

Тыңдаңыздар сөзімді.

Ағалардан шалғайдамын,

Құрғақшылық бар аймағым.

Қос мұхитпен қоршаулымын,

Қалталы келеді жануарым.

Әлем бойынша қой өсіріп,

Ең бірінші орын аламын!


Жүргізуші-2: Сізге де шексіз біздің алғысымыз.Әдайым алға бассын жақсы ісіңіз – деп Жер-Анамыздың 6-шы баласының құрметіне арнап ән жолдаймыз.(Ән айтылады)


Жүргізуші-1: Қасиетті Жер-Ана!Сіздің 240 немереңіздің ішінен 9-шы немереңіз біздің анамыз – «Қазақстанды» шақырғымыз келіп отыр.

Қазақстан – туған өлкем бағыстан,

Бақытымды іздемеймін алыстан,

Бүгін бізге қонақ болып кетіңіз,

Балалардың әнін тыңдап жарысқан.


Сіз біз өшін ең киелі мекенсіз,

Бізбен бірге мәңгі жасап өтерсіз.

Қасиетті Жер секілді ананың

9-шы немересі екенсіз.

Отан-Ана ортамызға келіңіз

Өзіңіз жайлы бізге айтып беріңіз –

деп ортаға Отан-Ана Қазақстанды шақырамыз.(«Менің Қазақстаным» әнінің орындалуында ортаға Қазақстан келеді)

Қазақстан: Белестерден белестерге ұласқан,

Орман,шөлім,өзен-көлім қыр асқан.

Тау мен тасын жауып құмның етегін,

Баурайында сылдыр қаққан бұлақтар.

Менің жерім дәнге,малға,кенге бай,

Менің елім жаны жайсаң,көңілі жай!


Жүргізуші-2: Табиғатты қойған сынап кенелте,

Қазақстан – байтақ өлке,кең өлке.

Қазақстан – ғажапстан бұл күнде,

Ағыл-тегіл ақтарылған кең өлке.

Отан-Ана қадіріңе жетемін

Сенен басқа Отанды мен не етемін!

Сен мұңайсаң,мен де бірге мұңаям,

Сен қуаңсаң,мәнгі күліп өтемін,

«Туған өлкем – қандай көркем» - еді деп,

Табынамыз саған,Атамекенім!


Жүргізуші-1: Өзіңізге арналған әнді қабыл алыңыз! (Ән айтылады)

Жүргізуші-2: Осымен «Жер-Ана бізде қонақта» атты театрландырылған кешімізді аяқтаймыз.Көңіл қойып тыңдағандарыңызға көп-көп рахмет!!!

Сабақты қорытындылау: Көрермендер пікірін тыңдау.